الجمعة، 9 مارس 2018

مسمن معمر بالكفتة والخضر كيشهي

مسمن معمر بالكفتة والخضركيشهي



مقاديرالحشوة :

- 4 خيزوات محكوكين
- 1 بصلة محكوكة
- 1 تومة محكوكة
- كفتة ديال الدجاج كنجيب صدر الدجاج وكنطحنوا بعد المرات كنطحن معاه الشحمة
- شعرية صينية
- زيتون أخضرمقطع
- 4 كورجيت محكوكين 
- العطرية : الزيت الرومية – الملح – البزار- خرقوم بلدي ـ خرقوم عادي ـ سكنجبير

مقاديرالعجين :

- ماء دافئ لجمع العجين
- نصف كيلو قمح
- ملح
- نصف كيلوفورص

للتزيين:

- زيتون أسود
- البيض للدهن


الطريقة :

في إناء نضع الزيت + البصلة + التومة ونترك الكل يتشحر بعد ذلك نضيف الكفتة ونخلط مزيان حتى تفرتث ثم نضيف العطرية ونخلط مزيان ثم نضيف خيزووالكورجيت ونخلط الكل مزيان ونترك الخليط يطيب مع التحراك مرة مرة ومنين يطيب نزيدوا الشعرية الصينية لي رقدت في الماء الطايب ثم قطعتها ونزيدوا الزيتون الأخضر مقطع نكونوا غسلنا


نمشيوا للعجين ونخليوا الحشوة تبرد نعجنوا الخليط عادي عجينة المسمن نديروها كويرات صغار نديروهم على شكل مسيمنات صغارومني نكمل الكل نسرحوا كل مسمنة ونديروا وسطها الحشوة ونجمعوا الجوانب إلى الوسط مني نكمل كلشي ندهنوا المسيمنات بالبيض ونديروا فوق كل مسيمنة زيتونة كحلة ندخلوه يطيب

فطيرة محشوة بالخضر والكفتة و الفرماج

فطيرة محشوة بالخضر والكفتة و الفرماج لذيذة وبنينة


هذا عشاء خفيف ضريف بالفطيرة المحشوة بالخضر والكفتة و الفرماج روووووعة لذيذة وبنينة

المقادير:

العجين :
نص كيلو دقيق فورص
بيضة وحدة
معلقة صغيرة ملح
ملعقة كبيرة خميرة الخبز
ملعقة موطارد
ملعقتان زيت زيتون
وضامة البنة بقري محكوكة فالحكاكة ونجمعها بالحليب دافئ نعجنها مزيان ونقسمها على قسمان ونخليهم يخمرو

الطريقة:

الحشوة :
(اختيارية حسب المتوفر في البيت) انا عملت كورجيط وجزر محكوكين مع ضرس ثومة وبصلة مشلضة وكفتة بقري كلشي كنشحروه كل حاجة بوحدها مع ملح وابزار ونحطهم جانبا ناخد العجين نبسطها بالدلاك مزياااان وندهن الطاوة ونحط فيها العجين ونتقبها بالفرشيط ونأخذ الحشوة نخلط كلشي

ونضيف ليهم زيتون مقطع ومعدنوس وكريم فريش وفرماج محكوك كنخلط كلشي ونفرشو على العجين وناخد مطيشة حك نطلقها بشوية الماء ونحط كل ملعقة من صوص فوق المربع لي غادي نديرو ثم نبسط الكرة الاخرى ونغطي بيها الفطيرة.

 ونحاول نقرصها بالأصابع في الجوانب باش تعطينا شكل جميل ثم ندهنها باصفر البيض مع الخل ونشرطها بالموس ونعمر هادوك التشريطات بخليط من الجبن وكريم فريش ونرش الجنجلان والبافو وندخلها الفرن مباشرة

ونخليها حتى تتحمر وبالصحة والراحة راها كتجي لذيذة وكتعجب الوليدات بالأخص ورائعة اتمنى تجربوها.

الفقاص المغربي بطريقة ناجحة

الفقاص المغربي بطريقة ناجحة

المقادير:

- 6 حبات بيض
- 2 كوب شاي سكر
- 2 كوب شاي زيت
- 2 ملاعق كبيرة يانسون(نافع)
- 2 ملاعق كبيرة شمر(حبةحلاوة)
- 2 ملاعق كبيرة سمسم محمر(جنجلان)
- 2 خميرة حلوى
- 100غ لوز مقطع
- 100غ لوز مبيت في الماء 
- الدقيق حسب الخليط.


الطريقة:

 تخلط كل المكونات المذكورة اعلاه ويضاف الدقيق حتى الحصول على عجين متجانس تشكل منه حرابل تدهن بصفار البيض وتشرط بخطوط طولية بواسطة شوكة وتدخل لفرن غير مسخن مسبقا ويشعل فقط من الاسفل يترك دون ان ينضج تماما فقط حتى
يتماسك ثم يخرج يغطى بمنديل مبلل ومعصورويترك حتى يبرد ثم يقطع بواسطة سكين مسنن يصفف في صينية الفرن ويعاد للفرن يتحمر.


طريقة تحظير قريشلات ساهلين

طريقة تحظير قريشلات ساهلين


قريشلات ساهلين

 المقادير:

- نصف كيلو طحين
-1كأس متوسط زيت
-1بيضة
-1كأس متوسط سكر
-1خميرة حمراء 
- كمية من النافع 
- كمية من زنجلان 
-1ملعقة كبيرة زبدة.

 الماء لجمع العجين الكأس لعبرت به أصغر من كأس العنبة

 الطريقة:

 كنخلط العناصر كاملة ونضيف الماء المهم العجينة تكون قاصحة شوية ونطحنها في ماكينة الكفتة ولا غير ندلكها مزيان ونصنع منها حرابل رقاق ونقطعهم بالسكين ولا المقص وندخلهم الفرن.

طريقة تحضير مادلين خفيف ولذيذ

طريقة تحضير مادلين خفيف ولذيذ


 البارح كانو عندنا ضياف ودرنا لهم هاد المادلين مع القهوة في العشية ، وبغيت نشاركو معكم ، إن شاء الله ينال إعجابكم وتجربوه شي مرة . بالصحة والراحة

المقادير :

4 بيضات
علبتين دانون بنكهة الأناناس (يمكن لكم ديرو أي نكهة حبيتو)
علبتين دانون سكر
علبتين دانون زيت
15g خميرة الحلوة
7g سكر فاني 
الدقيق حسب الحاجة


 الطريقة :

نخلط البيض مع سكر فاني جيدا ثم نضيف السكر ونخلك ثم الزيت ثم دانون ثم الخمرة وأخيرا الدقيق ، نضع أوراق المادلين في القوالب الخاصة بهم ونضع فيهم الخليط إلى النصف ، وندخله إلى الفرن حتى ينضج ، ويزين حسب الرغبة ، ( يمكن وضع الخليط في قوالب السيليكون ).

كيفية تحضير بطبوط معمر سريع

طريقة تحضير بطبوط معمر سريع مايحتاج يخمر



المقادير:
- ربعة فورص
ـ ربعة فينو
ـ ملح
ـ خميرة الخبز
ـ ملعقة سكر
ـ ملعقة زيت اختيارية
ـ ماء دافي الحشوة
- زيتون كحل وزيتون خضر مقطع 
ـ بصلة مقطعة رقيقة 
ـ جزرة محكوكة

الحشوة:
 ديرو لبغيتو في الحشوة على حسب الموجود زيت التوابل ملح بزار تحميرة خرقوم بلدي ربيع مقطع نديروه يتشحر مزيان ونخليوه يبرد

طريقة التحضير:
تنعجنو لعجينة لعجينة جيدا تنخليوه ترتاح غير شوية وصافي ونكوروها كويرات حجم لبغيتي نرشو قصرية شوية طحين الفورص ونبداو نكرصو غير شوية ونديرو الحشوة

ونجمعوها مزيان باش حشوة ماتخرج ليا من العجين حتى نكملو كويرات كاملة نحشيوهم وفي هاذ اثناء نديرو مقلة ديالنا تتسخن مزيان ونبداو نكرصو بطيبطات دياولنا رقاق ونرش مقلة بالزيت

ونرميو بطبوطة ديالنا ملي نبغيو نقلبوها نرشوها ثاني بالزيت ونستمر هكذا حتى نكملو الكويرات ديالنا بالصحة والراحة جربوووه راه تيجي واعر.

الخميس، 1 مارس 2018

طريقة تحضير كيكة بالتمر

طريقة تحضير كيكة بالتمر والكركاع


طريقة تحضير كيكة بالتمر والكركاع كاتجي بنينة وساهلة فالتحضير

مقادير الكيك:

4 بيضات
كاس سنيدة
كاس دقيق ابيض
2 خميرة الحلوى
1 كاس زيت
1 ملعقة كبيرة قرفة
1 ملعقة صغيرة سكنجبير
1 كاس كركاع مقطع قطع صغيرة
1 كاس تمر مقطع قطع صغيرة
250 غرام شكلاط للتزيين

طريقةالتحضير:
في اناء نضرب البيض + سكر بالطراب الكهربائي حتى نحصل على كريمة ونخلط الخميرة مع الدقيق ونضيفها مع الزيت + القرفة + سكنجبير
 ومن بعد نضيف التمر والكركاع ونحرك بملعقة ندهن القالب بالزبدة
ونرشه بالدقيق ونصب فيه الخليط وندخله الفرن الساخن بدرجة 180 تقريبا 45 دقيقة
عندما تطهى نخرجها من الفرن ولتزين الكيك نذوب الشكلاط 
وندهن به الكيك و نضع فوقه الكركاع على حسب الرغبة وبالصحة والراحة.
ب
الاشتراك في: الرسائل (Atom)
جميع الحقوق محفوظة لــ مأكولات و حلويات 2015 ©