خبيزات بتشكيلة من انواع الدقيق

خبيزات بتشكيلة من انواع الدقيق لذاذ وصحيين

المقادير:

400 غ الدقيق الكامل.

400 غ البلبولة الرقيقة بزاف.

50 غ دقيق الشوفان(الخرطال).

نصف زلافة فينو.

نصف زلافة فورص.

2 معالق كبار زريعة الكتان.

2 معالق كبار زنجلان.

1 ملعقة كبيرة ونصف خميرة معجونة.

ملح.

نصف كاس زيت الزيتون.

طريقة التحضير:

 نمزجو جميع المقادير ونعجنو بالماء دافئ ندلكوها مزيان وننغطيوها ونخليوها ترتاح حتى ايضاعف حجمها ونشكلو كريصات الحجم حسب الرغبة نقرصوهم ونخليوهم يخمرو وندهنوهم بالحليب ممزوج بالقليل من السنيدة ونزينوهم حسب الرغبة (زريعة الكتان.الزنجلان.البلبولة) ونشرطوهم شوية بالموس وندخلوهم الفرن ساخن حتى يتحمرو بالصحة والهناء.